اتفقنا نتقابل اللقاء الاخير
دموع كتير
وعمرها ما كانت تمثيل
اصل الفراق
صدقونى ده شىء كبير
ومعنى الوداع
هو الالم والحزن والاتنين صعبين
يتحملهم القلب
ويعيش معاهم سنين وسنين
قابلتها
واجهتها
صرحتها
قلتلها كل شىء بينا انتهى
انسى بقى
فلقيت دموع نازله على خدها
فمستحها
وقلتلها تانى انسى بقى
قالتى ليه النسيان
قلتلها لاننا عايشين احلام
قالتلى طب والغرام
قلتلها هنساه مع الايام
قالتلى انت قلبك قاسى
قلتلها فى بعدك انا هقاسى
بس لازم اكون ليه ناسى
قلتلى ليه
حصل ايه
فى ايه
خلاك على حبى تقسى عليه
قلتلها ظروفى
وخوفى
ومستقبلى الصعب
اللى مانع لقمه تدخل جوفى
قالتلى ياسلام
قلتلها ده مش مجرد كلام
قالتلى امال اسميه خيال
قلتلها سميه قصه فيها المحال
فيها مستحيل
بالرغم انى فيها عشق كبير
فيها الويل
بالرغم اننا فيها عاشقين
فيها الانانيه
بالرغم انى انا وانتى مثال للتضحيه
فيها الخيال
بالرغم انى قصتنا قصه واقعيه
لقتها بتقولى هنتحدى الظروف
قلتلهاقلبى حاسس بالخوف
قالتلى بص لعنيا وانت تشوف
انى مفيش فى قلبى خوف
قلتلها عارف انك بتحبينى
عارف انك بتعشقينى
بتعذينى
لكن صدقينى
حولى تنسينى
صدقينى
بكت ودمعها بقت نار
بكيت واتحطمت الامال
كنا بنواجه التيار
بينا الوقتى فى مرحله مفيهاش اختيار
لابد من الغربه
مش عايز اسمع كلمه
هنسى حتى الضحكه
النظره
الهمسه
اللى منك طالعه
لازم تنسى حبى ليكى
اعتبرينى خاين وبتسلى بيكى
او انسان ميستهلش دمعه من عنيكى
او انسان عمره ما خاف عليكى
لازم تنسى حبى ليكى
قالتلى ده قرارك الاخير
قلتلها للاسف وبدمع العين
ده قرار وفكرت فيه كتير
لازم نسيب بعض
ويبقى ده
اللقاء الاخير