إحذر من تركيب سائل النانو على شاشة موبايلك

قبل ما تفكر تركب سائل النانو على شاشة موبايلك بغرض حمايتها لازم تعرف إنه أسوأ وسيلة حماية .




اسباب أن سائل النانو هو الاسؤ لحماية موبايلك :

1- غير قابل للإزالة، يعني لو إتركب غلط إنتا كدة بوظت شاشة موبايلك 🙄

2- مقوام للخدش ولكن بيزيد إحتمالية الكسر بنسبة عالية، ليه؟ لأنه ببساطة بيزود صلابة سطح الشاشة عشان يخليها متتخدش بسهولة ومقاومة الكسر بتحتاج مرونة إللي هيا عكس الصلابة وده يخلي أي وقعة بجنب الجهاز إحتمالية الكسر فيها بتزيد ⚛️

3- مقاومته للخدش زيها زي الشاشة لو عليها طبقة حماية كورنينج جوريلا جلاس 3 وإنتا طالع

4- لو إتخربش فإنتا معملتش حاجة لأنه غير قابل للإزالة وبقا جزء من الشاشة 🧐

5- مقاوم للخدوش السطحية فقط ودي بتكون خدوش شبه مش ملحوظة، أي خدش أعمق سنة هيوصل للشاشة بسهولة ووقتها إنتا برضو معملتش حاجة 🤔

6- رخيص جداً من الصين وبيتباع أضعاف تمنه هنا

يعني إمتا ممكن تستخدمها؟ لو جهازك معليهوش طبقة حماية أصلاً وده فالأجهزة الرخيصة جداً بس 👍

وأخيراً مش أي حاجة أغلب التجار بينصحو بيها بتكون صح لأن أغلبهم يهمهم المكسب والبضاعة إللي فيها ربح أعلى هينصحوك بيها أكتر حتى لو غلط