استسلام

قلبي فاقد نبض
ولساني عاجز عن الرد
لما حبيبي في ساحة الحرب
رفع راية الاستسلام
حرب وصراع بين طرفين
والحب ضاع بين الاتنين
وبعد ليل طويل
في عذاب ونار و ويل
جه بعد انتظار
في ليل مطلعلوش نهار
اصعب قرار
كل شيء قسمه ونصيب
قرار غريب
لكن الاغرب
اني ساعتها مقدرتش انطق
كل اللي عارفه اننا هنتفرق
من غير حتى سلام
وحبيبي رافع راية الاستسلام
ليه مش قادره تقولي لا
وازاي متحمل قلبك بكاه
وقلبي بين اديا بينزف
وانا اللي كنت ب حياتك بحلف
وهيموت قلبي اللي انتي
عشقاه
ثوري عليهم اتكلمي
وبلاش يا عمري تستسلمي
انا كل اللي في ايدي عملته
عشان قلبك عشقته
جيت وطلبت ايدك
بس اهلك ليه مش شايفني نصيبك
ليه رافضين والقرار في ايدك
قولي انا عيزاه
انا عشقاه
اتكلمي وبلاش تستسلمي
وتسلمي كل اللي بينا
للذكريات

بدايات جيدة يا شادى....انصحك لكى تستمر فى الكتابة بالقراءة جيدا فى الشعر...وعلى فكرة الشعر العامى اصعب من الفصحى...تمنياتى بالتوفيق..

شكلاا على مرورك
ويارب مواضيعي تعجبكم

حلو ياشادى عجبنى فيها المعنى إستغاثة قلبك من صمت حبيبتك جميلة احساسك حلو

اللي عاجبني فيكي يا ناديه انك فاهمه
وميرسي تاني على مرورك