|
فى الحقيقة مشكلة كبرى يعانى منها الكثير من الاعضاء الان وهى ان اكثر المواضيع لابد من موافقة الادارة عليها وهذا شى جيد لانى ممكن حد يكتب موضوع مخالف ولكن تخيلوا واحد مثلا يكتب خبر عاجل لازم ينشر الان وفجاة يقال لة لابد من موافقة الادارة وفجاة لا يجد ولا ادارى ودة احيانا يحدث فى الصباح وهذة ليست مشكلة ولكن الكارثة عندما تجد كام ادارى ويتم الموافقة على الموضوع على الاقل بعد ربع ساعة واحيانا كنت بقعد ساعة الا ربع لدرجة انى اصبحت اخالف القوانين ومضطر احط المواضيع فى اركان لا تحتاج الموافقة واقول للمشرفين ابقى انقل انت الموضوع ؟ ولكن الجديد الى سمعتة ان ممكن يكون حد منفرد بخبر ومحتاج موافقة الادارة عشان ينزل فجاة الادارى ينزلة قبلك تخيلوا ساعتها انت هتعمل اية فى موقف زى دة ؟ لذلك اطال من صاحب المنتدى عبدة ان يلغى فكرة الموافقة على الموضوع مسبقا وبدام فى رقابة قوية من الادارة ممكن اى موضوع ينزل مخالف يحذف فورا وانا شخصيا لو شفت موضوع مخالف هبلغك فورا .
|
|
انا اتمنى فقط تنفيذ هذا المطلب ولم اقصد مقاطعة المنتدى اننا هنسيبة لانى شخصيا متواجد فية من 4 سنوات وصعب اسيبة
|
|
اؤيد كلامك يا اخي
فعلا وصفك للحال تمام قوي بس المقاطعه مش اصلاح بس يكفي انك نوهت عن الموضوع لاني عانيت زيك وفي ناس عانت برضو على العموم الحلو ما يكملش ودي قاعده يجب ان تؤمن بيها |
|
وانا معاك والله بجد
لان الموضوع مستفز جدا احنا في عصر السرعه مش عصر الموافقه على الحاجه قبل ماتنزل بجد كدا كتير اوي مش معقول الواحد يقعد مستني لحد ما المشرف يصحى من النوم عشان يشوف الموضوع ويوافق عليه انا مع عبدو انه خايف على حظر المنتدى مرة اخرى لكن نظام تستنى يتوافق على الموضوع دي بجد مستفزة ماهو ممكن واحد عاوز يأذي المنتدى ينزل الموضوع المخالف في القسم المفتوح بدون رقابه ويروح يبلغ ادسنس بالمخالفه انت كدا عملت ايه ياعبدو باشا ؟؟؟؟ حقيقي نظام الموافقه على الموضوع دا مستفزة جدا وبتفكرني بايام القمع والديكتاتوريه ولو بجد الحال استمر كدا ,, انا مش هيبقى ليا نفس اكتب اي اخبار عاجله والمنتدى كدا بجد يتم قتله بالبطئ |
|
انا معاكم ان دى حاجه مستفزة بس بردوا مش لازم ننسى انها كانت السبب فى ان المنتدى وقف اكتر من مرة
فأنا شايفه ان موضوع العضو يتأخر ربع ساعه ويبدأ يكسب منه بعد كده افضل ما نتوقف تانى من جوجل وميكسبش لفترة كبيرة ممكن تعدى الشهر عقبال ما الموضوع يتحل |
|
انا عندى فكره بس اترفضت قبل كدا .
اننا نعمل منتدى اسموا " منتدى الاعضاء ",, ويتحط فيه المواضيع ,,, والمواضيع تتراجع وتتنقل للقسم اللى شايفة المشرف مناسب ,, والموضوع المخالف يتحذف . |
|
بدام القصة اننا مش واثقين ان حد يكتب مواضيع مخالفة ودة ممكن يحصل من اى عضو جديد انا اقترح ان فى اعضاء موثوق فيهم مثل الخطير اوى وغيرهم من الاعضاء الغير جديدة وتشهد لهم الناس بالكفاءة او مشاركاتة السابقة دليل على بعدة عن المواضيع المخالفة ونسميهم اعضاء مميزة ونضع لهم خاصية كتابة المواضيع بدون موافقة الادارة .
|
|
ياجماعه كل المنتديات اللي فيها اعلانات ادسنس مافيهاش خاصيه مراقبة الموضوع قبل طرحه للاعضاء النشيطين
واحنا هنا كل الاعضاء بلااستثناء مراقبين في المواضيع طيب ياجماعه ايش عرفكم ان واحد مخرب ممكن يروح عامل مواضيع في المنتديات المسموح لها باضافه مواضيع دون رقابه ويبوظ الدنيا علينا ماهي الكارثه واحده فب والله موضوع الرقابه دا ملوش اي قيمة مادام مش معمم في كل المنتديات الرقابه تكون للاعضاء الجدد مش اعضاء بقالهم سنه واتنين في المنتدى بصراحة الوضع اصبح مستفز يعني انا بعد الفجر كتبت موضوع عن وفاة حسن الاسمر وحتى الآن لم تتم الموافقه عليه ولقيت موضوع لاخ كريم بخصوص وفاة الفنان حسن الاسمر انا مش عارف اذا كان الموضوع قبلي او بعدي حقيقه بس حاجه تضايق اني اقعدت 5 ساعات والموضوع لسا مانزلش !!!!!! الوضع غير مريح بالمرة بالصراحة وانا شايف انه بجد ممكن يؤدي الى زهق كتير من الاعضاء في كتابه الاخبار لان الخبر مش بيقعد ربع ساعه عشان يتحط ,, دا بيوصل ساعه واتنين وتلاته الاعضاء يريدون الغاء الرقابه |
|
السلام عليكم
أنا أؤيدك فى رئيك وعن تجربة أنا وضعت موضوع فى أخبار مصر وقبل ما يتم الموافقه عليه كتب المشرف نفس الموضوع ياريت يكون هناك حل للمشكلة تحياتى لكم جميعاً |
|
يا جماعة انا مؤيد اوي فكرة قريتها عجبتني و هي اننا نشوف الأعضاء النشيطة او الاعضاء مثلا الي تتعدي 1500 مشاركة تلقائيا تضع موضوع بدون موافقة عليها
كدة مثلا + إني أقترحت علي عبدو ان يتم زيادة 5 مشرفين علي قسم أخبار مصر + إعلان عن إحتياج مشرفين لجميع الأقسام و منتظر رده علي الإقتراحات دي عشان منتدي نجوم مصرية كبر و بئة محتاج كم رقابة اكبر بكتير |
|
انا معاكم ان دى حاجه مستفزة بس بردوا مش لازم ننسى انها كانت السبب فى ان المنتدى وقف اكتر من مرة فأنا شايفه ان موضوع العضو يتأخر ربع ساعه ويبدأ يكسب منه بعد كده افضل ما نتوقف تانى من جوجل وميكسبش لفترة كبيرة ممكن تعدى الشهر عقبال ما الموضوع يتحل مش فاهم إيه علاقة ده بجوجل أرجو التوضيح ... هل المقصود هو إعلانات جوجل "googel ads" ؟ |
|
وانا معاكم في اقتراح الاعضاء المميزين انه يتم تصفيتهم
|
|
فين عبدو باشا ياجماعه
|
|
انا برده زهقت من الموضوع ده ده غير انا فى اول رمضان رفعت مشاركتين كنت قد تعبت فيهم كثيرا وانتظرت اكثر من 24 ساعة فلم اجدهم فى القسم اللى انا وضعته فاعتقدت انى اخطأت ولم أضعه فوضعته وبعد يوم لقيت نفسى محظور لأنى spam يعنى بكرر المواضيع فسبحان الله حاجة غريبة جدا
وبعدين المشرفين مش بيردوا على حد أساسا أنا كاتب مشاركة واقتراح من شهر تقريبا ولم يرد عليه احد بأى رد مش عارف ايه التكبر ده |
|
والله بجد الموضوع بقى مستفز
الواحد يقعد مستني سيادة المشرف يتكرم ويقرا الموضوع ويوافق عليه وادينا مستنيين |
|
انا ضفت 2موضوع من اكثر من 4ساعات والان ليس تم الموافقة من طرف الادارة
|
|
واللة انا مش بحب احط موضايع علشان كدة واوقات بحطها ف المنتدي العام
لو الحل دة هيريح الاعضاء يبقي يتعمل ولا اية؟ |
|
واللة انا مش بحب احط موضايع علشان كدة واوقات بحطها ف المنتدي العام
لو الحل دة هيريح الاعضاء يبقي يتعمل ولا اية؟ |
|
بسم الله الرحمن الرحيم
هو فعلا ياجماعة موضوع يضايق ومع انى لسه عضو جديد بس متضايق منه جدا بسبب موضوع ضفته عن ماتش القمة ريال مدريد وبرشلونة والمفروض يبقى قبل الماتش طبعا احصائيات و و ولكن مفيش اى حاجة ولا حد ضافه سواء قبل او بعد الماتش المهم : 1- فكرة ان نعمل منتدى اسموا " منتدى الاعضاء ",, ويتحط فيه المواضيع ,,, والمواضيع تتراجع وتتنقل للقسم اللى شايفة المشرف مناسب ,, والموضوع المخالف يتحذف . فكرة حلوة ع الاقل الواحد يشوف موضوعه قدامه بدل الذل . 2- فكرة الاعضاء القدامى اللى مميزين وثقة يبقى معاهم امكانية ينزلو مواضيع بدون موافقات كويسة برضه 3- زيادة مشرفين ومديرين و و و معتقدش هتجيب نتيجة الخبر او اى حدث عايز يا وقته يابلاش وفى النهاية القرار اكيد لصاحب الموقع وربنا يوفق الجميع |
|
فعلاً دا احلي حل اننا نعمل منتدي للاعضاء ونضع موضوعاتنا فيه والمخالف يحذف اما الجيد فيتم الموافقه عليه
 !!!!!! |
|
انا معاكم ان دى حاجه مستفزة بس بردوا مش لازم ننسى انها كانت السبب فى ان المنتدى وقف اكتر من مرة فأنا شايفه ان موضوع العضو يتأخر ربع ساعه ويبدأ يكسب منه بعد كده افضل ما نتوقف تانى من جوجل وميكسبش لفترة كبيرة ممكن تعدى الشهر عقبال ما الموضوع يتحل يعني كتبت كم موضوع ولم استلم اي شئ على فكره يوم ماكتبت ماكنشي قصدي اكسب لاني اصلا ماعرفش الموضوع ده
|
|
اول مرة اعرف ان كاتب الموضوع يكسب فلوس
يعني كتبت كم موضوع ولم استلم اي شئ على فكره يوم ماكتبت ماكنشي قصدي اكسب لاني اصلا ماعرفش الموضوع ده الموضوع مش زي ماحضرتك فهمتو لينا حسابات في جوجل ادسنس وبنحط حسابنا في المنتدى وكل موضوع بننزلو بينزل معاه اعلاناتنا اعلان كل شخص عندو حساب في جوجل ووبنكسب على حسب النقر على الاعلانات
|
|
ياجماعه انتوا غلطنين علشان انتوا مواضيعكوا لازم مايتوافقكش عليها يوم ماتوصلوا لدرجه من الحنكه تمكنكوا من انكوا
تقدروا تعملوا موضوع زى ده ru mov0001.swf ما هو و لماذا يبحث عنه المصريون بكثرة علي جوجل يبقى ليكوا حق تشتكوا.. شايفيين الموضوع قيم أزاى والمفروض مش يتحط فى عاجل بس لأ المفروض يحطوه فى شريط أخبار الجزيره  |
|
ياجماعه انتوا غلطنين علشان انتوا مواضيعكوا لازم مايتوافقكش عليها يوم ماتوصلوا لدرجه من الحنكه تمكنكوا من انكوا تقدروا تعملوا موضوع زى ده ru mov0001.swf ما هو و لماذا يبحث عنه المصريون بكثرة علي جوجل يبقى ليكوا حق تشتكوا.. شايفيين الموضوع قيم أزاى والمفروض مش يتحط فى عاجل بس لأ المفروض يحطوه فى شريط أخبار الجزيره عموماً انا مش حرد عليك اللهم اني صائم |
|
ده من ادبك و زوقك بس
عموماً انا مش حرد عليك اللهم اني صائم  وعلى فكره انا مرجعتش فى كلامى ده مش موضوع يتحط فى عاجل وأكيد انت شايف كده وبما اننا فى رمضان فأنا حاصلحك بالهديه دى 
|
|
على فكرة الكلمه دى ru mov0001.swf كانت متصدرة البحث فى جوجل يعنى مهمه وحتجيب زوار كتير للمنتدى
والعاجل مش بس بيتحط فيه الاخبار العاجله كمان الموضوعات الهامه |
| مواضيع مشابهة: | ||||
| › استمرار حالة الطوارىء لمدة شهرين | ||||
| › حول عدم الموافقة على نشر الموضوع | ||||
| › استمرار حالة عدم استقرار الاحوال الجوية | ||||
