السلام عليكم ورحمة الله وبركاته
ياشباب عايزين بقى نسيبنا من الخلافات الجانبية والجدالات اللى ملهاش لازمة ... يعنى انا شايف كتير من الناس دلوقت عمال يشكك فى بعض الافراد ويخون بعض الناس ويجيب ادلة وصور وفيديوهات .. يعنى مثلاً موضوع وائل غنيم اللى الناس عماله تحط فى صور وفيديوهات وتحليلات تثبت انه ماسونى ولا عميل ولا حتى يهودى ... اعتقد ان احنا بندى الموضوع اكثر من حجمه ولو كان وائل غنيم ده مش بطل حقيقى ولا يستحق الشهرة فاحنا كده من غير مانقصد بنعمل منه بطل وبنشهره ... واذا كان فعلاً راجل وطنى ويستحق التقدير فاحنا كده يبقى أسأنا ليه وفى الحالتين احنا الخسرانين مش هوه ... احنا هنخسر الوقت اللى نقعد نفكر فيه ونجيب تحليلات واستنتاجات بدل مانقعد نفكر فى فكرة جد علشان ننهض بمصر ... وهنخسر كمان بعضينا لأننا هنخش فى خناقات وحاجات ملهاش لازمة تخلى نفوسنا بين بعض مش كويسة ... انا مش بتكلم عن وائل غنيم بس .. انا بتكلم عن أى حاجه لاتستحق اننا نهتم بيها ... الثورة قامت واحنا دلوقتى بدأنا طريق الاصلاح يبقى لازم نفكنا بقى من أى حاجة تانية تشغلنا ... ولا ايه رأيكم .. أتمنى أعرف آرائكم ياشباب