هي اتعرفت عليه عن طريق صاحبتها
هو اول ما شافها سال صاحبتها عليه
بعد فتره قصيره جدا اصبحوا اصحاب جدا
اصحاب وبس كان لما يكونو مع بعض يبص جوا عنيها اوي وهو بيكلمها

مكنتش عينه بتدور لي غيرها
ولما يكلمها عالتليفون ويقفل يكلمها بعد 5 دقايق يقولها اي حجه انه يسمع صوتها
حتي لو هيسالها عن نتيجه الماتش اللي لسه ميعاده بعد اسبوع
كان كل ما يشوفها يقولها بحبك بس بعنيه
وهي كلماتشوفه بيعمل كده تقلب الكلام هزار علشان بتتكسف منه
كان دايما يزعل ويشتكي لصاحبتها انها بتصده
ويرجعوا يتصالحوا من غير ما يقولها سبب الزعل
وفي يوم الحقيقه والعوده للواقع المرير
خلاها واقفه قدامه وبص في عنيها اوي
وهي حست وسمعت نبضات قلبه
وهو شاف رعشه ايديه
فقالها انا نفسي موت اعرفك علي خطيبتي
انا كلمتها عنك كتير وهي هتموت وتتعرف عليكي
وتوته توته خلصت الحدوته بعد ما قلب البنت دي وجعها اوي لغايه دلوقت بيوجعها كل ما تسمع صوته او تشوفه

طيب ازاى حسته وفى الاخر كان بيحب غيرها

علشان كان كداب كبير مش اكترويمكن نقول هي كانت عبيطه شويه وشكرا لمرورك

هو مالاخر اول ما حس ان الحوار حيخش فحب وكدا حب يخلع وتلاقي مفيش خطيبة ولا دياولو وكان جايب واحدة تانية تلعب الدور

موضوع حلو وقصه جامده

موضوع حلو كتير

اكيد هو كذاب كبير وهي عبيطة


مشكور كتير

يعنى عليها اكيد اتعذبت كتير

بس يلا بقا ربنا معاها يارب

طاب هو ازاى كان بيزعل لما تصدة وهو مش بيحبها؟

طيب ليه كان بيكلمها كل 5 دقايق وليه كان دايما يسال عليها وليه كان ديما يبص جوا عنيها جامد
دى كلها علامات الحب الجامد
عموما هى قصه روعه

صدقوني دا كذاب كبير مش اكتر لانه قال كلام غير اللي بيحس بيه وغير اللي عمله

ربنا يكون في عونها
انا بطني وجعتني من الصدمة