اعرفكم بنفسى انا تيتو مصرى مغترب من سنتين قصدى من 20 سنه انا بقول كده لان صدقونى كل يوم فى الغربه كأنه سنه كفايه قسوه الغربه والوحده ويا سلام لو غربتك فى دوله اجنبيه يعنى كمان غربه ثقافه ولغه وحاجات كتيره قوى شوفتواالخير اللى انا فيه ... الحمد لله على كل حال
فعلا مصر يا جماعه حاجه تانيه كفايه انك تحس بين اهلك بالامان عارف ان فى ملايين ممكن يسخروا من كلامى وبيتمنوا يهربوا من البلد انا كنت واحد منهم والله ولما ربنا قدرلى انى ابعد لقيت ان الغربه اقسى بكتير من ظروفن لما كنت فى مصر بس ده قدر مفيش منه هروب .
عارفين كتير اشتاق لمصر واهلى وصحابى بالاخص لما تضيق بيا الظروف هنا بس لازم اتحمل لانى اتخترت ابعد يمكن تكون الغربه احن عليه من بلدى بس الحمد لله ان بلدى مهما حصل احن عليه من الغربه
بس يا ريتك يا مصر ما تفرطى فينا بالساهل
اتمنى من الله التوفيق لكل من كتبت عليه الغربه ولكل من يقرأ كلامتى السابقه ولا تنسونى بالدعاء الخالص لوجه الله.