انا قلت اكبر دماغى من العربيات المستعملة اللى بيكون صاحبها اخد خيرها وسبها وهى فاتحة فمها للاعطال ومتعطشه للمكيانيكى والكهربائى
والسمكرى
قلت انا مابدهاش دخلت على خدمة العملاء هناك كان اخويا قبلها من ثوانى متخانق مع الموظفة علشان عاوز يحول شويه حاجات وهى مكبره دماغها ههههههههههه
وتقول له روح المركز الئيسى وانا اخويا مش حقولكم خلقه ديق اخر حاجة بس ان كنت عارفة كده علشان كده مدخلتش معاه
بعد ما خرج وراح يصور شويه ورق قلت اروح اسئل على القرض
المهم كانت مختلفة تماما قالت لى اهم حاجة يكون عندك وديعةبقيمة لاتقل عن مبلغ القرض
حيث يعطى البنك قيمة90 % يعنى لو انت عندك وديعة ب 100 الف يبقى تقدر تاخد قرض ب90 الف جنيه
ده كويس اووى طب ما انا اشترى لوعندى المبلغ ده اقول لك لا الفائدة الربحيه على الوديعة بتبقى 10%
والفايدة الربحيه على القرض ب 6 ونص فى الميه
على ان يسدد القرض خلال 3 سنوات بتقسيط مركب يعنى جزء من القرض مع الفائدة
وبكده تقدر تستفيد بالسيارة انا عن نفسى بفكر فى الموضوع
وناويه اعمل بالعربيه مشروع اخد كام بنت من المدرسه معايا فى العربيه وارخص عن سعر الباص وامشى الحال لغايه ما اسدد اقساط العربيه
بس ادعو لى اجمع تمن الوديعة
